My last love letter to my Ex

Hindi na tayo nakapag paalam sa isa't isa. 

Ayaw man natin aminin, 

yun na siguro yung pinaka magandang regalo natin sa relasyong patapos na

Ako yung pinaka masayang tao kapag kasama ka
Wala na kong ibang iniisip, sobrang komportable ko na

Nagkulang ako, pero nag sukli ka ng pagmamahal
Nawala ako, pero hinanap mo ko ng matagal

Sa mga araw na gulong gulo yung mundo ko,

 niyakap mo ko para ibigay yung mundo mo.

Binuo mo ko kahit kulang yung sayo

Binigay mo lahat sakin pero ikaw yung napuno
Sinubukan baguhin lahat pero hindi tayo nagkasundo

Dumating yung araw na may iba ka ng gusto
Hindi kasama sa plano pero nangyare habang tayo

Sinubukan kong habulin ang distansya ng ating pagkalayo
Bitbit ang bagong pangako at pag-asang may pagbabago

Pero hindi na kita matanaw

 Naiwan ako sa lugar kung saan nangako kang babalik ka
Sana sinabi mo nalang na masaya ka na, 

at may meron ka ng iba.
Para hindi na ko nasaktan at umasa pa

Siguro nagawa mo lang lahat ng yon dahil nasaktan ka
Wag ka mag alala naiintindihan kita
Pero madaming tanong na naiwan saken, na sana nasagot mo pa

Nakakalungkot lang isipin. 

Sayang wala ka na.

"Kahit sobrang hirap na, hindi ako nag hanap ng iba. Mas pinili kong manatili

Kaya alam kong mahal kita, kasi araw-araw kitang pinili

Pero sana hindi na natin tinakpan ng pagkakamali ang isang pagkakamali

Alam kong hindi madali, pero sana hindi tayo nagmadali"

Siguro minsan maiisip natin kung bakit tayo naghiwalay
Pero madalas maiisip natin kung bakit tayo nag hintay

Pinagtagpo tayo sa tamang oras at panahon

 pero mas pinili natin mag naghintay ng bagong simula

Lumipas ang mga oras pero hindi tayo nagtanda

Hindi tayo napagod, nasanay nalang tayo
Hindi naman tayo nagkulang sa paalala kung papano tayo magbabago

Wag kang manghinayang, ginawa natin lahat
Wag kang malungkot, binigay natin lahat

Wala na kong mahihiling pa sa relasyon natin kundi maging masaya tayong dalawa.
Kahit hindi na tayong dalawa

Sana hindi mo pagsisihan lahat ng bagay na naiwanan
Wag kang mag alala, hindi ka na masasaktan. 

Wala ka ng babalikan. 

Matagal mo na kong naiwan.

Sana maging masaya kayo
Kaya mo ko pinagpalit dahil mas better siya para sayo
Kaya sana mag work yung sa inyo
Dahil ayoko na maging unfair sa sarili ko.